Það snjóar

Hvernig við vorum sem börn og hvernig við erum í dag .
Við teljum okkur trú um að það verði
einhverjar persónustökkbreytingar
Eftir hvell unglinsáranna (manndóminn)
erum við
allt í einu orðnar nánast guðlegar verur ..
svo til óskeikular , alvitrar
fullar af hroka uppskafningsins
fullar af hráka upphafningarinnar.

Nýtt félag stofnað

Stofnað hefur verið félag aðstandenda kommúnista FAK (Com-anon) þetta eru systrasamtök FAA félags aðstandenda auðvaldra ( Cap-anon). Félögin tvo deila húsnæði við Hallveigarstíg 24 í Reykjavík og hafa sameiginlegan formann , Annþór Hafstað skipulagsfræðing..

Bacon

Sá heimildarmynd um myndlistarmanninn Francis Bacon á DR2 í fyrradag. Þvílíkur maður .. Er enn að ná mér eftir þennan vitnisburð.. Efast um að mynd verði sýnd hér á skeri enda maðurinn hættulega skarpur samkynhneigður klæðskiptingur keðjureykjandi alcahólisti alvarlega introvert og í bullandi Guðs-afneitun .. Hann málaði myndir sem settu allt annað á oddinn en fagurfræði fávísrar húsmóður í Grafarholti ( með allri virðingu fyrir þeim ).. Er endalaust að rekast á athyglisverðar heimildamyndir á evrópsku stöðvunum .. Hér á skeri sjást aðeins þreyttar myndir um gallagripina tvo þ.e náttúruna og mannslíkamann.